[ad_1]
( प्रगत भारत । pragatbharat.com)
डायबिटीसवर गुणकारी
डायबिटीस हा सध्या असा आजार झाला आहे, जो अनेकांना होतोय आणि चुकीच्या जीवनशैलीमुळे हा आजार वाढतोय. वय पाहून आजकाल डायबिटीस होत नाही, त्यामुळे डायबिटीसच्या त्रासापासून वाचण्यासाठी अथवा नियंत्रणात आणण्यासाठी चणे खाणे फायदेशीर ठरू शकते. चण्यातील डाएटरी फायबर हे डायबिटीसवर नियंत्रण मिळविण्यास मदत करते. नाश्त्यासाठी उकडलेले चणे अथवा जेवणात चण्याच्या भाजीचा समावेश तुम्ही करून घेऊ शकता.
हाडांची मजबूती मिळविण्यासाठी
अधिक काळासाठी आरोग्य निरोगी ठेवण्यासाठी हाडांचे मजूबत असणे अत्यंत आवश्यक असते. कॅल्शियम हाडांना अधिक मजबूती देते आणि चण्यातून अधिक प्रमाणात कॅल्शियम मिळते. तसंच यामध्ये लोह आणि अन्य पोषक तत्वही अधिक प्रमाणात आढळतात. चण्याचे नियमित सेवन हाडांशी संबंधित आजार ऑस्टियोपोरोसिस दूर ठेवण्यास मदत करते. त्यामुळे आहारात चण्याचा समावेश करून घ्यावा.
(वाचा – महिन्याभरात १० किलो वजन कमी करण्यासाठी किती चालणे आवश्यक, लठ्ठपणासाठी तज्ज्ञांचे अचूक गणित)
हृदय ठेवते निरोगी
हृदय निरोगी ठेवण्यासाठी चणे महत्त्वाची भूमिका निभावतात. यामध्ये फायबर, विटामिन बी, लोह, मॅग्नेशियम आणि सेलेनियम अधिक प्रमाणात आढळते, जे हृदय हेल्दी राखण्यास सहाय्य करते. यामध्ये असणारे फायबर हृदयासंबंधित आजाराचा धोका कमी करण्यास मदत करतात. तसंच चणे खाल्ल्याने रक्तातील कोलेस्ट्रॉल लेव्हल कमी होण्यास मदत मिळते.
(वाचा – उपमुख्यमंत्री देवेंद्र फडणवीसांनी कसे केले होते ३ महिन्यात १८ किलो वजन कमी, मेटाबॉलिक ट्रिटमेंट म्हणजे काय)
ब्लड प्रेशर आणते नियंत्रणात
हाय ब्लड प्रेशरमुळे हार्ट अटॅकचा धोका नेहमी राहतो. उच्च रक्तदाब झाल्यास त्याचा त्वरीत परिणाम हा हृदय आणि मेंदूवर होतो. त्यामुळे रक्तदाब वाढणे ही एका धोक्याची घंटा समजण्यात येते. रक्तदाब कमी करण्यासाठी चण्याचा उपयोग करून घेता येतो. चण्यामध्ये असणारे पोटॅशियम हे रक्तदाब कमी करण्यास फायदेशीर ठरते. याचे नियमित सेवन हे ब्लड प्रेशरच्या रूग्णांकरिता लाभदायक आहे.
(वाचा – ओव्याचे शरीराला मिळतात जबरदस्त फायदे, वजन कमी करण्यासाठी कसा खावा)
मानसिक आरोग्य आणि पचनशक्तीसाठी
चण्यातील फायबर हे डायजेस्टिव्ह ट्रॅक्ट हेल्दी ठेवण्यासाठी मदत करते. पचनक्रिया चांगली होण्यासाठी चण्याचा आहारात समावेश करून घ्यावा. तसंच चणे खाल्ल्यामुळे मेंदू आणि नर्व्हस सिस्टिमचे कार्य अधिक चांगले होण्यास मदत मिळते. यामध्ये आढळणारे तत्व हे Choline मूड, मसल्स कंट्रोल, स्मरणशक्ती आणि शरीराचे मेटाबॉलिजम सांभाळण्यासाठी महत्त्वाची भूमिका साकारते.
संदर्भ
https://health.clevelandclinic.org/health-benefits-of-chickpeas/
[ad_2]
